Weg as voorgeskrewe boek

Weg

Skrywer: Nerine Ahlers en Alet Steenkamp

Ouderdom: 13+

Voorgestelde grade: Graad 8 en 9 Huistaal en Graad 10 Eerste addisionele taal

’n Spanningsverhaal vir tienerlesers waarin verhoudings, misdaad, ontvoering en speurverhaalelemente ’n belangrike rol speel.

Meer oor die verhaal:

Niekie is weg, en niemand gee om nie. Sy is immers bekend vir haar impulsiewe kunstenaarstemperament en het al voorheen vir ’n paar dae pad gevat om te gaan skilder.

Maar haar kêrel, Zack, word al hoe meer bekommerd. Waarom het Niekie nie opgedaag vir hulle afspraak nie? Hoekom antwoord sy nie haar foon nie? Toe hy boonop haar woonstel verlate aantref, weet hy iets is verkeerd. Baie verkeerd.
Intussen word Niekie in ’n vreemde bed wakker; vasgemaak en vol kneusplekke. En by haar is ’n man. Hy noem haar sy prinses. Hy wil vir haar ’n storie vertel oor ’n meisie wat dieselfde naam as sy gehad het. En as die storie eers verby is, gaan hy vir haar ’n spesiale towerdrankie gee om haar te laat slaap. Vir altyd …

Terwyl die uurglas vir Niekie leegloop, probeer Zack en Niekie se vriende die vreemde spoor van leidrade volg wat hulle hopelik na haar ontvoerder sal lei … voor dit te laat is.

Klik hier om die eerste hoofstuk te lees.

Wat sluit die studiegids in:

Skrywers
Voorbladaktiwiteit
Flapteks 
Kontekstuele vrae
Koerantberig
Langvrae
Vermistepersoonsvorm en -verslag
Antwoorde 

Klik hier om 'n gratis aktiwiteit af te laai.