Pieksel

by Klaskameraad
Pieksel

Wat doen jy as jy vreeslik alleen is?

Dalk moet jy soos Vossie de Vos maak. Hy het geen vriende nie. Sy pa en ma werk altyd laat. En sy tuisskoolonnie, mevrou Moerdyk, is altyd knorrig. Sy pa-hulle wil nie eens vir hom ’n troeteldier kry nie! Katte piepie orals en sy pa is superallergies vir honde.
Maar dan, op ’n dag, besluit Vossie om ’n plan te maak.
Nooit weer sal hy alleen wees nie.
Al wat hy moet doen, is om vir homself ’n vriend te bou …

Pieksel is vol pret en avonture. Enige kind wat al ooit alleen was, sal hierdie oulike robot as vriend wil hê!

As kind was Fanie Viljoen mal oor illustrasies met honderde klein goedjies in. Dit was soos ‘n speurtog om alles raak te sien. Met hierdie animasie wys hy jou hoe een van Pieksel se illustrasies vorm aanneem, van ‘n basiese agtergrond tot die voltooide illustrasie. Wat sien JY alles raak?